होमपेज / समाज
माघ २५,सल्यान
सल्यानमा मोटरसाइकल आपसमा ठोकिदा ६ जना घाइते भएका छन् । जिल्लाको शारदा नगरपालिका १ जोगीदेउखोला नजिकै मंगलबार राती दुई मोटरसाइकल आपसमा ठोकिदा मोटरसाइकलमा सवार ६ जना घाइते भएको जिल्ला प्रहरी कार्यालय सल्यानले जनाएको छ ।
शारदा नगरपालिका १ श्रीनगरबाट बरला जाँदै गरेको रा ७ प ३२६८ नम्बरको मोटरसाइकल र विपरित दिशाबाट आइरहेको रा ६ प १५६३ नम्बरको मोटरसाइकल ठोकिएको जिल्ला प्रहरी कार्यालय सल्यानका सूचना अधिकारी सन्तोष खनालले जानकारी दिनु भयो ।
मोटरसाइकल ठोकिदा सिद्ध कुमाख गाउँपालिका ३का २४ वर्षीय सुरेश नेपाली, शारदा नगरपालिका ७ कजेरीका २१ वर्षीय अर्जुन बुढाथोकी, शारदा नगरपालिका १ पटनेरीका अन्दाजी १४ वर्षीय अनिल शाही , शारदा नगरापालिका ९ गिठाचौर अन्दाजी १८ वर्षीय डिल्लीराज बोहरा, वडा न ६ भट्टाचौरका १५ वर्षीय शिशिर बुढाथोकी र हलचौर का १८ वर्षीय हिमाल बुढाथोकी घाइते भएको उहाँको भनाई छ ।
उहाँका अनुसार हिमाल र अर्जुनको अवस्था गम्भीर रहेको छ भने अन्यको अवस्थामा मध्यम रहेको छ । घाइते सबैको श्रीनगर स्थित कर्णाली अस्पताल र कान्तिपुर अस्पतालमा उपचार भइरहेको छ ।
.jpg)
