होमपेज / समाज
कात्तिक १९,सल्यान
सल्यानमा बसको छतबाट खसेर एक जनाको मृत्यु भएको छ ।
जिल्लाको शारदा नगरपालिका – १ श्रीनगरबाट सिद्ध कुमाख गाउँपालिकाको छापडाँडा जाँदै गरेको ना ५ ख २७९३ नम्बरको बसको छतबाट खसेर सिद्ध कुमाख गाउँपलिका –३ फलाटेका ३० वर्षीय रविन्द्र बोहराको मृत्यु भएको हो । बिहीबार साँझ बसको छतबाट सामान निकाल्ने क्रममा बोहरा खसेको जिल्ला प्रहरी कार्यालय सल्यानले जनाएको छ ।
बसको छतबाट घाइते भएका उनको श्रीनगरमा सामान्य उपचार पछि थप उपचारका लागि नेपालगञ्ज लैजाँदै गर्दा बाटोमै मृत्यु भएको जिल्ला प्रहरी कार्यालय सल्यानका सूचना अधिकारी अर्जुन पौडेलले जानकारी दिए ।
बस र चालक दुवैलाई नियन्त्रणमा लिइएको प्रहरीले जनाएको छ ।
.jpg)
