होमपेज / समाज
भदौ १७,सल्यान
२०७७ भदौ २ गते राती बनगाड खोलाले बगाएर बेपत्ता भएका दीलिप खत्री अहिलेसम्म फेला पर्न सकेका छैनन् । एक वर्ष बितिसक्दा समेत उनको न लाश भेटिएको छ नत शास नै ।
दोलखा घर भएका सल्ली चौरजहारी सडकको नाथेखोला पुलमा काम गर्ने फिल्ड सुपरभाइजर अन्दाजी ३० वर्षीय दीलिप खत्री बाढीले बगाएर वेपत्ता भएका उनको अहिलेसम्म अत्तोपत्तो लाग्न सकेको छैन ।
रातको समयमा बाढीले पुलको समान बगाउन थालेपछि अरु साथीसँगै समान राख्न गएका थिए उनी । उनीसँगै अन्य मजदुरलाई पनि बाढीले बगाएको थिए । तर अन्य मजदुर भने बाँच्न सफल भए पनि उनलाई भने बाढीले बगाएको थियो ।
बाढीले बगाएदेखि खोजी कार्य गरी रहेको प्रहरीले एक वर्ष बितिसक्दा समेत फेला पार्न सकेको छैन । बाढीले बगाएर वेपत्ता उनको खोजीकार्य निरन्तर भइरहेको जिल्ला प्रहरी कार्यालय सल्यानले जनाएको छ ।
उक्त बाढीले एक जनालाई बगाउनुका साथै सल्लीको गोग्ली बजारका दर्जन बढी पसल डुवाएको थियो ।
.jpg)
