होमपेज / समाज
भदौ ७,सल्यान
सल्यानमा बस दुर्घटना हुँदा ६ जना घाइते भएका छन् । सोमबार साझ जिल्लाको श्रीनगरबाट छत्रेश्वरी गाउँपालिकाको लैसे जाँदै गरेको ना ७ ख १८४८ न बस छत्रेश्वरी गाउँपालिका – ३ पेदिखोलाको कैची मोडमा दुर्घटना भएको हो ।
दुर्घटनामा परी घाइते हुने सबै छत्रेश्वरी गाउँपालिका चारका रहेका छन् । घाइते हुनेमा २२ वर्षीया रमितता डाँगी, २८ वर्षीया तुलसा विष्ट, २६ वर्षीया तिला कुमारी रावत, २१ वर्षीया दिपा पुन, २७ वर्षिया सर्मिला खत्री र ३५ वर्षीया सरिता खत्री रहेको जिल्ला प्रहरी कार्यालय सल्यानका सूचना अधिकारी अर्जुन पौडेलले जानकारी दिए ।
घाइते सबैको श्रीनगरमा उपचार भएको छ ।
सबैलाई सामान्य चोटपटक लागेको प्रहरीले जनाएको छ । बसका के कारण दुर्घटना भएको हो त्यसबारे अनुुन्धान भइरहेको र बसका चालक फरार भएको प्रहरीले जनाएको छ ।
.jpg)
