ट्रेण्डिङ

होमपेज / समाज

सल्यानमा हेलिकप्टरबाट सुत्केरीको उद्धार

  सल्यान खबर डेस्क २०७८ श्रावण ७ गते बिहीबार १४:०७:२० मा प्रकाशित

साउन ७,सल्यान 
सल्यान जिल्ला अस्पतालमा रहेकी सुत्केरीको फोक्सोमा समस्या आएपछि  हेलिकप्टरबाट उद्धार गरिएको छ । महोत्तरी जिल्ला सोनाम गाउँपालिका – १ घर भई हाल सल्यान शारदा नगरपालिका २ बस्दै आइरहेकी २१ वर्षीया अर्चना यादवको हेलिकप्टरबाट उद्धार गरि सुर्खेत लगिएको छ । 

इमरजेन्सी शल्यक्रियाबाट बच्चा डेलिभरी गरेको दुई दिन पछि अचानक अक्सिजन कम नै अप्रेशन पछिको जटिलता वा फोक्सोको रोग हुन सक्ने भएकाले थप उपचारका लागि नेपाली सेनाको हेलिकप्टरबाट सुर्खेत पठाइएको सल्यान जिल्ला अस्पताल सल्यानका डा. भीमकान्त जैसीले बताए ।

 दुर्गम क्षेत्रका ज्यान जोखिममा परेको गर्भवती तथा सुत्केरी महिलाहरुका लागि हवाई उद्धार सम्बन्धि कार्यविधि २०७५ अनुसार कर्णाली प्रादेशिक अस्पताल सुर्खेत रिफर गरिएको उनको भनाई छ । 
 

प्रतिक्रिया

सम्बन्धित खवर

Top