होमपेज / समाज
चैत ५,सल्यान
जिल्लाको त्रिवेणी गाउँपालिका ४ पुरानो दरवारमा एक दिने निःशुल्क पशु स्वास्थ्य शिविर सम्पन्न भएको छ । त्रिवेणी गाउँपालिका पशु सेवा शाखाको आयोजनामा निःशुल्क पशु स्वास्थ्य शिविर सम्पन्न भएको हो ।
शिविरमा १ सय ९३ किसानका १ हजार ७ सय ८८ बाख्रा, १ हजार ३ सय ११ कुखुरा, ८४ गाईगोरुलाई निःशुल्क औषधी वितरण गरिएको पशु सेवा शाखा प्रमुख वसन्त रावतले जानकारी दिए । यस्तै ६ सय ८९ बाख्रालाई डिपिङ ड्रेन्चिङ गरिएको छ भने २ वटा बिरालो र २० वटा कुकुरलाई निःशुल्क रेविज विरुद्धको खोप लगाइएको छ । शिविरमा २ वटा गोरु र २२ बोकालाई क्यास्टेसन गरिएको रावतले बताए ।
प्राविधिबाट टाढा रहेका कृषकहरुलाई स्वस्थ्य पशु पालन गरी स्वच्छ पशुजन्य पदार्थ दुध, फुल र मासु उत्पादनमा प्राविधिक परामर्श दिई जन चेतना जगाउने र पशु सेवा शाखाको सेवालाई विस्तार गर्ने उद्देश्यका साथ शिविर सञ्चालन गरिएको शाखा प्रमुख रावतले बताए । शिविरमा किसानहरुलाई पशुपंक्षीहरुमा लाग्ने रोग सम्बन्धी प्रवद्धधानात्मक ज्ञान दिने काम पनि भएको उनको भनाई छ ।
कार्यालयका अनुसार केही दिनमै वडा न १, ३ र ५ न वडामा डिपिङ डे«न्चिङ लगायत परामर्श शिविर सञ्चालन गरिने छ ।
.jpg)
