होमपेज / समाज
फागुन ४,सल्यान
सल्यानको त्रिवेणी गाउँपालिकाले किसानलाई उन्नत जातका बोका वितरण गरेको छ । मंगलबार एक कार्यक्रमका बिच किसानहरुलाई बोका वितरण गरेको हो । गाउँपालिकालाई पशु विकास र कृषि उत्पादनको पकेट क्षेत्र बनाउने नीति अनुरूप व्यावसायिक बाख्रापालनलाई उत्प्रेरित गर्न बोका वितरण गरिएको गाउँपालिकाले जनाएको छ ।
गाउँपालिकाको पशुसेवा कार्यालयले आह्वान गरेको प्रस्तावअनुसार नीतिगत मापदण्डभित्र परेका समूह, सहकारी र व्यक्तिगत फर्मलाई५० प्रशितशत अनुदानमा बोका वितरण गरिएको पशुसेवा शाखाका बसन्त रावतले बताए । उनका अनुसार १० वटा उन्नत बोका वितरण गरिएको छ ।
परम्परागत बाख्रापालनलाई क्रमशः व्यावसायिक गर्दै लैजानु र उत्पादनलाई बढवा दिई कृषकको आर्थिक अवस्थालाई उकास्ने लक्ष्यका साथ बोका वितरण गरिएको रावतको भनाई छ । गत आर्थिक वर्षमा पनि गाउँपालिकाले बोका वितरण गरेको थियो ।
.jpg)
