होमपेज / समाज
असोज १३, सल्यान
प्रयोग गरेपछि जथाभावी मास्क फाल्दा संक्रमणको जोखिम बढेको छ ।
कोरोना भाइरस संक्रमणबाट बच्न प्रयोग गरिएका मासक जथाभावी फाल्दा संक्रमणको जोखिम बढेको हो । सडक, बजारक्षेत्र लगायत विभिन्न क्षेत्रमा जथाभावी फालिएकाले जोखिम बढ्दै गएको छ ।
मास्कको उचित प्रयोग र त्यसको सहि व्यवस्थापन हुँन नसके संक्रमण फैलिन सक्ने सल्यान अस्पतालका डा. प्रदिप शर्माले बताए । उनले भने अस्पतालका जसरी अन्य प्रयोग गरिएका सामानहरुको डिस्पोज गरिन्छ त्यसरी नै मास्कको पनि डिस्पोज गर्नु पर्छ ।
जथाभावी फालिएका मास्कबाट फोहोरमैला व्यवस्थापनमा खटिएका कर्मचारी, बालबालिकाहरुलाई संक्रमणको जोखिम हुन सक्ने डा. शर्माको भनाई छ ।
कोरोना भाइरस संक्रमण बढेसँगै जिल्लामा मास्क प्रयोग पनि बढी रहेको छ तर त्यसको सहि व्यवस्थापन हुन नसक्दा अर्को संक्रमण फैलिन सक्ने स्वास्थ्य सेवा कार्यालय सल्यानका सूचना अधिकारी थलराज डि.सी.ले बताए । उनले भने प्रयोग गरिएको मास्कलाई सम्भव भएसम्म सरफ पानीमा भिजाएर डस्टविनमा राख्ने वा जलाउने गर्नु पर्छ ।
मास्कको सहि विर्सजनका लागि सार्वजनिक ठाउँहरुमा डस्टविनको व्यवस्था गर्नु पर्ने उनले बताए । मास्कको भित्री भागमा थुक, ¥याल सिँगान र बाहिरी भागमा अरुको थुकको छिटा हुन सक्ने भएकाले जथाभावी फाल्दा संक्रमणको जोखिम हुन सक्छ ।
आम समुदायलाई स्थानीय तहहरुले मास्क प्रयोग गरि सकेपछि त्यसको कसरी सहि विर्सजन गर्ने भन्ने विषयमा पनि सिकाउन जरुरी रहेको उनले बताए ।
.jpg)
