होमपेज / समाज
साउन १३, सल्यान
नेपाल विद्युत प्राधिकरण सल्यानले कान नसुन्दा जिल्लाको शारदा नगरपालिका १४ ढाँरखानीबासी जोखिम मोल्दै आइरहेका छन् । विद्युतको पोल ढलेर गोठ अड्याउदा समेत विद्युत प्राधिकरणले मर्मत गर्ने तर्फ कुनै चासो देखाउन सकेको छैन ।
पोल ढलेर गोठले अडिएको छ जुनसुकै समयमा पनि दुर्घटना हुन सक्छ यस बारेमा पटक पटक जानकारी गराउँदा पनि विद्युत प्राधिकरण कुनै चासो नदिएको ढाँरखानीका स्थानीय गणेश गिरीले बताए । उनले भने पोल ढलेको एक हप्ता भन्दा बढी भइसक्यो खलंगा फोन गर्दा श्रीनगरको जिम्मेवारी हो भन्छ श्रीनगर फोन गर्दा भोली भोली भन्दै टार्दै आईरहेको छ ।
ढलेको पोलमा बालबालिकाहरु खेल्ने तथा गोठमा बस्तुभाउ बस्ने भएकाले जतिखेर पनि जे पनि हुन सक्ने उनको भनाई छ । पोल ढलेको जानकारी एक हप्तादेखि गराउदा पनि मर्मत गर्ने तिर सम्बन्धित कार्यालयले कुनै चासो नदिएको उनले बताए ।
नेपाल विद्युत प्राधिकरणले भने कार्यव्यस्तताका कारण जान नसकेको र केही दिनमा उक्त समस्या समाधान हुने बताएको छ ।
.jpg)
