होमपेज / समाज
चैत ७,सल्यान
विरामी बोकेर नेपालगन्ज जाँदै गरेको एम्बुलेन्स सुर्खेतमा शनिबार राति तोडफोड र चालकमाथि हातपात भएको छ ।
रूकुम पश्चिमको चौरजहारीबाट विरामी बोकेर नेपालगञ्जतर्फ जाँदै गरेको सल्यान कुमाख गाउँपालिकाको कर्णाली प्रदेश ०२.००१ भ ०१३८ नम्बरको एम्बुलेन्समाथि अज्ञात समूहले आक्रमण भएको हो ।
सुर्खेतको छिन्चु नजिकै पर्ने रामघाटमा राति करिब १० बजेको समयमा ८–९ जनाको समूहले एम्बुलेन्स रोकेर आक्रमण गरेको एम्बुलेन्स चालक बसन्त शर्माले जानकारी दिनु भयो । एम्बुलेन्समा विरामी र एक जना कुरुवा रहेका थिए ।
गाडीबाट तानेर आक्रमणकारीहरूले कुटपिट गरेको उहाँको भनाइ छ । ज्यानको जोखिम भएपछि भागेको र आफू भागेपछिे एम्बुलेन्समा समेत तोडफोड गरेको शर्माले बताउनु भयो ।
चालक शर्माका अनुसार आक्रमणकारीहरूले सडकमा अवरोध सिर्जना गरी एम्बुलेन्स रोकेका थिए र एक्कासी चालकमाथि हातपात सुरु गरेका थिए ।
चालक शर्माले घटनापछि प्रहरीलाई जानकारी गराएपछि करिब आधा घण्टामा प्रहरी घटनास्थलमा पुगेको थियो । तर, प्रहरी घटना स्थलपुग्दासम्म आक्रमणकारीहरू भागि भइसकेका थिए ।
तोडफोड भएकै अवस्थामा एम्बुलेन्सले विरामीलाई लिएर सोही रात नेपालगञ्ज पुग्न सफल भएको चालक शर्माले जानकारी दिनु भयो । उहाँले भन्नु भयो ‘विरामीको सेवामा रातदिन खटिने एम्बुलेन्स चालकमाथि आक्रमण हुनु अत्यन्त दुःखद हो । दोषीमाथि कारबाही होस ।’
.jpg)
