होमपेज / समाज
साउन ८,सल्यान
नेपालगञ्जबाट रुकुम पश्चिमको चौरजहारी जादै गरेको हाईस गाडी दुर्घटना भएको छ । बिहीबार दिँउसोे सल्यानको कुमाख गाउँपालिका २ नेटा नजिकै भे १ ख ३९९४ नम्वरको हाईस दुर्घटना भएको हो ।
नेटा नजिकैको माथिल्लो मोडबाट गाडी दुर्घटना भएर तल्लो मोडमा पुगेको उद्धार कार्यमा रहनुभएका यात्री ओम केसीले जानकारी दिनुभयो । उहाँ अनुसार गाडी चालक पारस आचार्य सहित करिब एक दर्जन यात्रुहरु घाईते भएका छन् । घाईते मध्य केहीको अवस्था गम्भिर रहेको छ ।
ईलाका प्रहरी कार्यालय रागेचौरका प्रहरी निरीक्षक धर्मेन्द्र खड्काले दुर्घटनाको खबर लगत्तै उद्धारका लागि प्रहरी घटनास्थलतर्फ पठाइएको बताउनु भयो । दुर्घटनाको पुरा विवरण आउन बाँकी रहेको छ । अहिले स्थानीयले घाईतेको उद्धार गरिरहेका छन् ।
.jpg)
