होमपेज / समाज
असार २,सल्यान
सल्यानको कपुरकोट गाउँपालिका ३ चोरखोला नजिकै पहिरो जाँदा राप्ती राजमार्ग गएरातीदेखि अवरुद्ध भएको छ । राप्ती राजमार्ग अन्तर्गत कपुरकोट – दाङ सडकखण्डको चोरखोलामा वर्षा पछि आएको पहिरोले सडकपूर्ण रुपमा अवरुद्ध भएको जिल्ला प्रहरी कार्यालय सल्यानले जनाएको छ ।
सडकमाथिबाट आएको ठूलो पहिरोका कारण पहिरो हटाउन समय लाग्ने जिल्ला प्रहरी कार्यालय सल्यानका प्रहरी निरीक्षक रेशम बहादुर खत्रीले जानकारी दिनु भयो । प्रहरी र सडक विभागको टोली पहिरो स्थलमा रातीनै पुगेर पहिरो हटाउने कार्य भइरहेको उहाँको भनाई छ ।
चोरखोलामा निरन्तर पहिरो जाँदा पटक पटक राजमार्ग अवरुद्ध हुँदै आइरहेको छ । सडक अवरुद्ध हुँदा यातायातका साधन बिचबाटो नै अलपत्र परेका छन् ।
.jpg)
