होमपेज / समाज
चैत १४,सल्यान
जिल्ला प्रशासन कार्यालय परिसरमा लडेर घाइते वृद्धको मृत्यु भएको छ ।
बिहीबार दिउँसो जिल्ला प्रशासन कार्यालय सल्यानमा राष्ट्रिय परिचयपत्र बनाउन आउनु भएका बागचौर नगरपालिका ७ टाट्केका ७० वर्षीय टिकाराम वली कार्यालय परिसरमै लडेर घाइते हुनु भएको थियो । गम्भीर घाइते वलीको सल्यान जिल्ला अस्पतालमा उपचारको क्रममा मृत्यु भएको जिल्ला प्रहरी कार्यालय सल्यानले जनाएको छ ।
जिल्ला प्रशासनको भुई तलामा हिड्ने क्रममा चिप्लिदा उहाँको टाउकोमा चोट लागेको थियो ।
अहिले मृतकको शव जिल्ला अस्पतालमा नै राखिएको छ ।
