होमपेज / समाज
चैत १२,सल्यान
सल्यानमा विद्युत कन्ट्रोल बक्स सट भइ आगलागी हुँदा घर पूर्ण रुपमा जलेको छ । मंगलबार बिहान करिब ३ बजेतिर कुमाख गाउँपालिका ५ झारकाँडाका ३६ वर्षीय विष्णु कुमाईको घर जलेर पूर्ण रुपमा नष्ट भएको जिल्ला प्रहरी कार्यालय सल्यानले जनाएको छ ।
आगलागीबाट ७० हजार नगद पैसा, २ तोला सुन, अन्नपात, लत्ताकपडा भाडाकुडा, महत्वपूर्ण कागजात जलेर नष्ट भएको जिल्ला प्रहरी कार्यालय सल्यानका प्रहरी निरीक्षक रेशम बहादुर खत्रीले जानकारी दिनु भयो । मानविय क्षति नभएपनि घर जल्दा ७ लाख ४५ बराबरको क्षति भएको उहाँले बताउनु भयो ।
प्रहरी, स्थानीयको सहयोगमा घरमा लागेको आगो नियन्त्रणमा आइसकेको प्रहरीको भनाई छ ।
