होमपेज / समाज
माघ २७,सल्यान
सल्यानको कुमाख गाउँपालिकाको एक आधारभुत विद्यालयमा अध्ययनरत १७ जना वालवालिका विरामी परेका छन् । कुमाख गाउँपालिका ४ मा रहेको त्रिवेणी आधारभुत विद्यालयका विद्यार्थीहरु बिरामी भएका हुन ।
उनीहरुको रुकुम पश्चिम चौरजहारीमा रहेको चौरजहारी मिसन अस्पतालमा उपचार भइरहेको छ । विरामी विद्यार्थीमा वान्ता हुने गरेको छ ।
व्रेक समयमा (खाजा खाने सयम) विद्यार्थीहरुले विद्यालय नजिकैरहेको संञ्जीवनीका फलखाएर वारम्वार वान्ता आउने समस्या भएपछि आइतवार वेलुका चौरजहारी अस्पतालमा भर्नागरी उपचार विद्यालयका प्रधानध्यापक कल्पना शाहले जानकारी दिनुभयो ।
विरामी पर्ने विद्यार्थीहरु कक्षा ६ मा अध्ययनरत ३ जना र वाँकी शिशु कक्षा देखि एक, दुई, तीन, चार, का विद्यार्थीहरु रहेको शाहको भनाई छ । उहाँका अनुसार विद्यार्थीहरु मध्य एक जना साथीले यो फल खानेकुरा हो, वदाम जस्तै मिठो हुन्छ,मैले पहिले पनि खाएको छु भनेर उसले खाएसंगै अन्य विद्यार्थीहरुले पनि खाएका थिए । विद्यालय परिसरमा तारवार नहुदा व्रेकको समयमा विद्यार्थीहरुले उक्त घटना घटाएको जानकारी दिनुभयो ।
विद्यार्थीहरुले हरियो रंगको वान्ता गर्नेगरेको चिकित्सकको भनाई छ । उनीहरुको स्वास्थ्य अवस्था खतरामुक्त रहेको चौरजहारी अस्पतालका मेडिकल डाईरेक्टर डाक्टर निमरोद लिम्वुले जानकारी दिनुभयो ।
६ वर्ष देखि ११ वर्ष उमेर समुहका वालवालिकाहरु मध्य केहिमा भने वान्ता आउने लक्ष्यण नदेखिएको उहाँको भनाई छ । केही विद्यार्थीहरु उपचार पश्चात घर फर्किएको उहाँको भनाई छ ।
तस्विर : जी रेग्मीको सहयोगमा
