होमपेज / समाज
कार्तिक ११, सल्यान
नेपाली सेनाले सल्यानका ३० जना गरिब तथा जेहेन्दार बालबालिकालाई शैक्षिक सामाग्री र पोसाक वितरण गरेको छ । श्री १९ नं. बाहिनी तुलसीपुरको समन्वय र श्री सिद्धि बक्स गण सिमखर्क सल्यानले ३० जना गरिब तथा जेहेन्दार बालबालिकालाई शैक्षिक सामाग्री र पोसाक वितरण गरेको हो ।
सिद्धकुमाख गाउँपालिका १ को कागखोलामा रहेको श्री शान्ति आधारभूत विद्यालयमा अध्ययनरत ३० बालबालिकालाई शैक्षिक सामग्री सहित टोपी, पञ्जा,नेग गार्ड वितरण गरिएको श्री सिद्धि बक्स गण सल्यानका प्रमुख कृष्ण चन्द्र ठकुल्लाले जानकारी दिनुभयो । एक कार्यक्रमको आयोजना गरी विद्यालयमै पुगेर सामाग्री वितरण गरिएको उहाँले बताउनु भयो ।
उहाँका अनुसार १९ नं वाहिनी तुलसीपुरका बाहिनी पति डाक्टर पदम बहादुर बुढाको उपस्थितिमा गरिब तथा जेहेन्दार विद्यार्थीलाई उक्त सामग्री वितरण गरिएको हो । सेनाको सामाजिक तथा जनहित कार्य अन्तर्गत बालबालिकाहरूलाई सहयोग गरिएको हो ।
.jpg)
