होमपेज / समाज
भदौ २८,सल्यान
पहिरोका कारण अवरुद्ध राप्ती राजमार्ग खुलेको छ । अविरल वर्षाका कारण दाङ तुलसीपुर उपमहानगरपालिकाको राम्रीमा आएको पहिरोल अवरुद्ध बनेको राजमार्ग सञ्चालनमा आएको हो ।
सडक माथिबाट आएको पहिरो डोजरको सहायताले हटाए पनि दुई तर्फ सडक सञ्चालन भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशम बहादुर खत्रीले जानकारी दिनु भयो ।
राजमार्गको दाङ कपुरकोट खण्ड पहिरोको जोखिममा रहेको छ । उक्त सडकखण्डमा कतिखेर पहिरो आउछ भन्न नसकिने खत्रीको भनाई छ । वर्षा भइ रहेको र पहिरोको जोखिम रहेकाले सावधानी अपनाएर यात्रा गर्न उहाँले आग्रह गर्नु भयो ।
यस्तै दाङ सुर्खेत सडक खण्ड भने अझै सञ्चालनमा आउन सकेको छ्रैन । उक्त सडकखण्ड अन्तरगत कालिमाटी गाउँपालिका ४ टटालीमा पहिरो जाँदा शुक्रबार बिहान देखि सडक अवरुद्ध भइरहेको छ । सडक खुलाउन प्रयास भइरहेता पनि पहिरो गएको स्थानसम्म डोजर नै पु¥याउन समस्या भइरहेको प्रहरीको भनाई छ । वर्षातल खहरे खोला आउदा डोजर पहिरो गएको स्थानसम्म पुग्न नसकेको उहाँले बताउनु भयो ।
.jpg)
