होमपेज / समाज
फागुन १०,सल्यान
सल्यानको एक जंगलमा लुकाई राखेको पाँच नाल भरुवा बन्दुक प्रहरीले बरामद गरेको छ । जिल्लाको छत्रेश्वरी गाउँपालिका २ जुम्ले सल्ला सामुदायिक वन रानीपोखरी जंगलमा लुकाई राखेको अवस्थामा ५ नाल भरुवा बन्दुक फेला परेको जिल्ला प्रहरी कार्यालय सल्यानले जनाएको छ ।
निर्वाचन नजिकिदै जाँदा सुरक्षार्थ गस्तीमा गएको प्रहरीलाई जंगलमा लुकाई राखेको छ भन्ने गोप्य सूचनाका आधारमा बेवारिसे अवस्थामा अबैध बन्दुक फेला परेको जिल्ला प्रहरी कार्यालय सल्यानको सञ्चार शाखाले जनाएको छ ।
फागुन २१ को निर्वाचनलाई लक्षित गरी जिल्ला प्रशासन कार्यालय सल्यानले इजाजत प्राप्त हातहतियार बुझाउन आग्रह गरिरहेको अवस्थामा जंगलमा अवैभ बन्दुक फेला परेको हो । यस अघि पनि जिल्लाका विभिन्न स्थानबाट प्रहरीले थुप्रै अबैध भरुवा बन्दुक फेला पारेको थियो ।
.jpg)
