होमपेज / स्वास्थ्य
फागुन ५,सल्यान
सल्यान जिल्लाका विभिन्न संचारमाध्यमहरुमा आवद्ध पत्रकार तथा सञ्चारकर्मीहरुलाई स्वास्थ्य सम्बन्धी अभिमुखिकरण (जनचेतना तालिम) दिइएको छ ।
स्वास्थ्य सेवा कार्यालय सल्यानको आयोजनामा जिल्लामा क्रियासील पत्रकारहरुलाई आधारभूत स्वास्थ्य सेवा तथा सामाजिक स्वास्थ्य सुरक्षा सम्बन्धी अभिमुखिकरण गरिएको हो ।
कार्यक्रममा नेपालको संविधान, २०७२ अनुसार आधारभूत स्वास्थ्य सेवा निःशुल्क उपलब्ध गराउने राज्यको दायित्व भएको स्वास्थ्य सेवा कार्यालयका सूचना अधिकारी थलराज डिसीले बताए । सरकारले आधारभुत सेवा भित्र ३१ वटा विभिन्न सेवाहरु दिदै आइरहेको उनको भनाई छ ।
नेपाल सरकारले अति विपन्न, गरिब, नागरिकहरुलाई लक्षित गरी विभिन्न ८ वटा रोगकालागि उपचारमा सहुलियत प्रदान गर्दै आइरहेको डिसीले बताए । मुटु रोग, मृगोला रोग, क्यान्सर, टाउकोमा लाग्ने चोट पटकको व्यवस्थापन, सिकल सेल एनिमिया, स्पाईनल कर्डइन्ज्युरी (ढाडको चोटपट),, पार्किसन्स रोग र अल्जाइमर रोगको सहुलियत रुपमा उपचार गर्दै आइरहेको बताए । विभिन्न आड रोगको उपचारका लागि रू १ लाख सम्म औषधि उपचार सहुलियत प्रदान गर्दै आइरहेको, १४ वर्ष मुनी र ७५ वर्ष माथिका मुटुरोगका विरामीहरुकोलागि तोकिएका अस्पतालहरूमा निःशुल्क उपचार र मृगौला रोगको उपचारका लागि, मृगौला प्रत्यारोपण गर्नु पर्नेभएमा रु ४ लाख रुपैया सम्म, डायलाइसिस सेवा निःशुल्क प्रत्यारोपण पश्चात औषधि सेवनका लागि र प्रयोगशाला परिक्षण शुल्क रु १ लाख ५० हजार सहुलियत प्रदान गर्दै आइरहेको छ ।
निजी अस्पताल रहेका पालिकहरुमा गरिब, असहाय, बेवारिशे र विपन्नको उपचारका लागि अस्पतालले १० प्रतिशत रकम छुट्याउनु पर्ने प्रावधान रहेको र
यसरी छुट्याइएको रकमवाट ति समुहका व्यक्तिहरूलाई उपचार सहयोग गरेको विवरण सम्वन्धित अस्पताले सहुलियत पाउने विरामीको फोटो सहित सार्वजनिक गर्नु पर्ने बताए । यसको लागि स्थानीय सरकारले अनुगमन तथा मुल्यांकन गर्नु पर्ने सूचना अधिकारी डिसीले बताए ।