ट्रेण्डिङ

होमपेज / स्वास्थ्य

सल्यानका दुई प्रतिशत वालवालिका कुपोषित

  सल्यान खबर डेस्क २०७७ फाल्गुण ७ गते शुक्रबार १८:१४:५७ मा प्रकाशित

फागुन ७,सल्यान 
सल्यानका २ प्रतिशत बालबालिका कुपोषित रहेको एक तथ्यांकले देखाएको छ । स्वास्थ्य सेवा कार्यालय सल्यानले आज बुधबार कार्यालय परिसरमा आयोजना गरेको पत्रकारहरु सँगको अभिमुखिकरण कार्यक्रममा यस्तो तथ्यांक सार्वजनिक भएको हो । जसमा जिल्लाभरको बालबालिकाको अबस्थालाई हेर्दा कुपोषित बालबालिकाको संख्या २ प्रतिशत रहेको पाइएको छ । 

स्वास्थ्य संस्थाहरुमा गरिएको बालबालिकाहरुको तौलको आधारमा यस्तो तथ्यांक सार्वजनिक भएको कार्यालयका सुचना अधिकारी थलराज डिसीले जानकारी दिए । उनका अनुसार जिल्लाभर कुपोषित बालबालिकाको संख्या अझै धेरै हुन सक्छन् । उनले भने ‘अहिलेसम्मको तथ्यांकलाई हेर्दा २ प्रतिशत देखिएको छ, त्यो तौल जाँच गरेकाको संख्या मात्रै हो, गाउँघरमा त्यस्ता खालका बालबालिका अझै धेरै भएको हुन सक्छन्’ ।

कार्यालयका अनुसार जिल्लाको दार्मा गाउँपालिकामा सबै भन्दा धेरै कुपोषित बालबालिका भेटिएका छन् । जिल्लाको भ–ूबनोट र खानेबानीमा भएको समस्याका कारण बालबालिकामा कुपोषण देखिएको  छ । उनका अनुसार कुपोषणको मुख्य दोष गरिबि नै हो । ‘जिल्लाको सबै क्षेत्रका बालबालिकामा पोषणको अवस्था कमजोर नै रहेको छ, त्यसमा पनि दार्मा गाउँपालिकाका बालबालिकामा अझ बढी छ’ उनले भने ।

बिहान बेलुकाको राम्रोसँग दुई छाक टार्नसमेत समस्या भएपछि बालबालिकालाई पोषिलो खानेकुरा खुवाउन समस्या भएकै कारण कुपोषण भएको बताइएको छ । खाना खाने बानीमा सुधार नआएसम्म बालबालिकामा लाग्ने कुपोषणले जरा गाडी रहने सूचना अधिकारी डिसीको भनाई छ । गाउँघरमा खाना पोषिलो भन्दा पनि छाक टार्नका लागि खाने गरेकाले यस्तो समस्या देखिएको उनले बताए । 
 
 

प्रतिक्रिया

सम्बन्धित खवर

Top