ट्रेण्डिङ

होमपेज / फिचर

सल्यानमा ७५ प्रतिशत धान रोपाई सकियो (फोटो फिचर)

  दिपक शर्मा २०७८ असार १५ गते मंगलबार १५:५५:२९ मा प्रकाशित

असार १५,सल्यान 
सल्यानमा ७५ प्रतिशत धान रोपाई भएको छ । यस वर्ष समयमै वर्षा भएपछि जिल्लामा ७५ प्रतिशत धान रोपाई सकिएको कृषि विकास कार्यालय सल्यानले जनाएको छ । 

विगतका वर्षहरुमा असार १५ सम्म ५० प्रतिशत भन्दा कम नै रोपाई हुने गरेको भएपनि यो वर्ष जेठ महिनादेखि नै पानी परेका कारण किसानहरुले समयमै धान रोपाई सम्पन्न गरेको कार्यालय प्रमुख महेश आर्चायले बताए । केही दिनमा नै जिल्लाभर धान रोपाई सम्पन्न हुने उनको भनाई छ । 

कोरोना कहरका बिचमा पनि सामाजिक दुरी तथा स्वास्थ्य मापदण्ड कायम गरी किसानहरु खेतबारीमा व्यस्त रहेका छन् । कोरोनाको त्रास भए पनि मानो रोपेर मुरी फलाउने समय भएकाले कोरोनालाई प्रवाह नगरी खेतबारीमा व्यस्त भएको किसान शारदा नगरपालिका ६ बरलाका किसान लाल बहादुर बुढाथोकीले बताए । विगतका वर्षहरुमा साउनको पहिलो हप्तासम्म धान रोपाई हुने भएपनि यो वर्ष समयमै पानी पर्दा असार १५ भित्रै धान रोपाई सम्पन्न भएको बुढाथोकीले बताए । 

जिल्लामा वार्षिक २९ हजार मेटिक्टन धान उत्पादन हुँदै आइरहेको आर्चायको भनाई छ । चालु आर्थिक वर्षमा पनि ४ दशमलव २ मेटिक्टन प्रतिहेक्टर उत्पादकत्व वृद्धि गरि रहेको आर्चायले बताए । जिल्लामा सात हजार ७८ हेक्टरमा धान खेती हुँदै  अाइरहेकाे छ । 


 

प्रतिक्रिया

सम्बन्धित खवर

Top