होमपेज / अपराध
साउन ८,सल्यान
सल्यानमा एक महिलालाई जबरजस्ती गरेणी गरेको आरोपमा दुई जना पक्राउ परेका छन् । अर्का एक जना फरार छन् । जिल्लाको बनगाड कुपिण्डे नगरपालिका वडा नं १ बुरेली स्थित माइतीघरमा सुतेकी २३ वर्षीया महिलामाथि जबरजस्ती करणी गरेको आरोपमा दुई जनालाई प्रहरीले नियन्त्रणमा लिएको हो ।
गत असार ३१ गते राति १२ बजेतिर तीन जना व्यक्तिहरु महिलाको माइतीघरमा जवर्जस्ती प्रवेश गरेर महिलालाई घिसार्दै घरवाहिर बार्दलीमा ल्याएर जबरजस्ती करणाी गरेको प्रहरीले जनाएको छ ।
.जवरजस्ती करणीको आरोपमा बनगाड कुपिण्डे नगरपालिका, १ देवस्थल बस्ने वर्ष २१ को वसन्त बुढा र जाजरकोटको जुनीचाँदे ८ घर भई हाल वनगाड कुपिण्डे नगरपालिकाको देवस्थल बस्ने वर्ष २४ को मान बहादुर रावतलाई पक्राउ गरिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशम बहादुर खत्रीले जानकारी दिनु भयो ।
उनीहरुले घरभित्र सुतिरहेकी नावालक छोरा सहितकी महिलालाई जवर्जस्ती तान्दै घिसार्दै कोठा वाहिर बार्दलीमा ल्याएर संवेदनशील अंगमा समात्दै जबरजस्ती उद्योग गरेको र प्रतिवादी मध्येको एक जनाले फेरि महिलालाई बार्दलीबाट घिसार्दै ३० फिट पर शौचालय नजिकै लगेर बलात्कार गरेको प्रहरीले जनाएको छ ।
जवर्जस्ती करणी गरेर फरार रहेका उनीहरुलाई पीडित महिलाले साउन १ गते जाहेरी दिएपछि जिल्ला अदालतबाट पक्राउ पुर्जी लिएर प्रहरीले खोजतलास गर्ने क्रममो सल्लीबजार नजिकबाट पक्राउ गरेको उहाँको भनाई छ । एकजना फरार प्रतिवादीको पनि खोजी भइरहेको प्रहरीले जनाएको छ ।
