ट्रेण्डिङ

होमपेज / अपराध

सल्यानमा मानसिक सन्तुलन गुमेका युवाले गरे वृद्धको हत्या

  सल्यान खबर डेस्क २०७७ मंसिर १४ गते आइतबार २२:१९:२७ मा प्रकाशित

सरिता चलाउने, इन्द्र बुढाथोकी मङ्सिर १४,सल्यान 
सल्यानमा एक युवकले ढुङ्गा प्रहार गरी एक जनाको  हत्या गरेका छन् ।

जिल्लाको बन्गाड कुपिण्डे नगरपालिका ५ राउचेका २८ वर्षीय शेर बहादुर साहुले सोही ठाउँका ६६ वर्षीय दुर्गा  बहादुर बादीको हत्या गरेको जिल्ला प्रहरी कार्यालय सल्यानले जनाएको छ  । 

आइतबार बेलुका ७ बजे नाथेखोलाबाट घर फर्कने क्रममा भारचौर खोलामा बादीलाई पछाडिबाट ढुङ्गाले हानेर हत्या गरेको प्रहरी प्रमुख गोविन्द थापाले जानकारी दिए । घटना बेलुका  ७ बजेको भए पनि स्थानीयले प्रहरीलाई साढे  ८ बजे मात्रै  खबर गरेको उनको भनाई छ । हत्या गर्ने युवकको मानसिक सन्तुलन ठिक नभएको पाइएको प्रहरीको भनाई छ । 

घटना स्थलमा इलाका प्रहरी कार्यालय,  वनगाड  चौकी र बाबियाचौरबाट प्रहरी घटना स्थलमा पुगेको थापाको भनाई छ ।   फरार रहेका युवकको खोजतलास भइरहेको र घटनाका बारे थप अनुसन्धान भई रहेको प्रहरीले जनाएको छ ।
 

प्रतिक्रिया

सम्बन्धित खवर

Top